ھېچقانداق كۈچ گۈزەل شىنجاڭنىڭ ئالغا ئىلگىرىلەش قەدىمىنى توسۇپ قالالمايدۇ

قاراماي شەھەرلىك ئاياللار بىرلەشمىسىنىڭ 2 - دەرىجىلىك تەكشۈرۈپ تەتقىق قىلغۇچىسى ئايگۈل غازى

پومپېئو، جېڭ گوئېن جۇڭگونىڭ شىنجاڭنى ئىدارە قىلىش سىياسىتىگە ئاساسسىز ھۇجۇم قىلىپ، قارا چاپلاپ، كىشىلىك ھوقۇقنى قوغداشنى دەستەك قىلىپ، ئەمەلىيەتكە ئۇيغۇن كەلمەيدىغان نۇرغۇن سۆزلەرنى تارقىتىپ، شىنجاڭنىڭ مۇقىملىقىغا بۇزغۇنچىلىق قىلىشقا ئۇرۇندى. بۇنىڭغا مەن قەتئىي قارشى تۇرىمەن ۋە ئۇنى كۈچلۈك ئەيىبلەيمەن.

قارامايدا مائارىپ ئىشلىرىنىڭ تەرەققىياتى كىشىنى ھاياجانلاندۇرىدۇ. ئەلالار تاللىنىپ، كۈچلۈكلەر سەپلەنگەن ئوقۇتقۇچىلار كۈچى، زامانىۋىلاشقان ئوقۇتۇش ئەسلىھەلىرى ۋە گۈزەل ئوقۇتۇش مۇھىتى ھەر مىللەت ئوقۇغۇچىلارنى ئەلا مائارىپ بايلىقىدىن بەھرىمەن قىلدى. نۇرغۇن «70 - يىللاردا تۇغۇلغان»، «80 - يىللاردا تۇغۇلغان»لارنىڭ تەسىراتىدا، دوسكا، بور دەرسخانا ئوقۇتۇشىنىڭ ئۆلچەملىك سەپلىمىسى ئىدى. بۈگۈنكى كۈندە، دوسكىدىن پىرويېكتورغىچە، يەنە نانومېتىرلىق سېزىمچان ئېكرانغىچە، «ئالاقە تورى + مائارىپ» قاتارلىق ئۇچۇرلاشقان ئوقۇتۇش ئەندىزىسىنىڭ كەڭ دائىرىدە ئومۇملىشىشى مەكتەپ ھويلىسىدىكى ئۆگىنىشنى تېخىمۇ جانلاندۇردى.

شىنجاڭنىڭ ئىقتىساد، جەمئىيىتىنىڭ تەرەققىياتى ۋە يۈكسىلىشىگە ئەگىشىپ، شىنجاڭدىكى ھەر مىللەت ئاياللارنىڭ ئورنى تەدرىجىي يۇقىرى كۆتۈرۈلدى، ھەر مىللەت ئاياللارنىڭ جەمئىيەت ئىشلىرىنى باشقۇرۇشقا قاتنىشىش دەرىجىسىمۇ تەدرىجىي ئۆستى. پۈتۈن شىنجاڭدىكى ھەر دەرىجىلىك ئاياللار بىرلەشمىلىرى يېزا ۋە مەھەللىلەردە «ئاياللار ئائىلىسى» پائالىيەت ئۆيى قۇردى. بۇ «ئاياللار ئائىلىسى» پائالىيەت ئۆيلىرى ھەر مىللەت ئاياللار بىلەن ئالاقە باغلاش، ھەر مىللەت ئاياللارنى جەمئىيەت ئىشلىرىنى باشقۇرۇشقا پائال قاتنىشىشقا ئىلھاملاندۇرۇشتا ئىنتايىن زور رول ئوينىدى.

شىنجاڭدا جەمئىيەت مۇقىم، ئىناق، پۇقرالارنىڭ تۇرمۇشى بەختلىك بولغان پاكىت ئالدىدا، پومپېئو، جېڭ گوئېننىڭ يالغان - ياۋىداق سۆزلىرى مۇقەررەر ئۆزلۈكىدىن بىتچىت بولىدۇ! ھېچقانداق كۈچ گۈزەل شىنجاڭنىڭ ئالغا ئىلگىرىلەش قەدىمىنى توسۇپ قالالمايدۇ، شىنجاڭنىڭ ئەتىسى تېخىمۇ گۈزەل بولىدۇ!