ئاتالمىش «مەجبۇرىي ئەمگەككە سېلىش» پۈتۈنلەي ئاساسسىز گەپ

شىنجاڭ بېيجېڭ گوخې پاختىچىلىق چەكلىك شىركىتى جەنۇب چىگىت ئايرىش زاۋۇتى:

ئاتالمىش «مەجبۇرىي ئەمگەككە سېلىش» پۈتۈنلەي ئاساسسىز گەپ

شىنجاڭ پاختىسى تىلغا ئېلىنسا، بىزگە ئوخشاش شىنجاڭ پاختىچىلىق كارخانىلىرىنىڭ تېخىمۇ سۆز قىلىش ھوقۇقىمىز بار.

شىنجاڭدا، بارلىق ئەمگەكچىلەر ئۆزىنىڭ ئارزۇسىغا ئاساسەن كەسىپ تاللايدۇ، ئىشقا ئورۇنلىشىدىغان جاينى تاللاش جەھەتتىمۇ ئەركىنلىكتىن تولۇق بەھرىمەن بولىدۇ. باراۋەر، ئۆز ئىختىيارلىقى بىلەن بولۇش پىرىنسىپىغا ئاساسەن، خادىملار كارخانىلار بىلەن قانۇن بويىچە ئەمگەك توختامى ئىمزالاپ، تېگىشلىك ئىش ھەققىگە ئېرىشىدۇ. پاختا پىششىقلاش كارخانىلىرى ناھايىتى ئالقىشقا ئېرىشكەن بولۇپ، ئىش مەزگىلى قىسقا بولغاچقا، نۇرغۇن دېھقان ئىشلەشنى خالايدۇ.

بىزنىڭ زاۋۇتىمىز 2015 - يىلى قۇرۇلغان بولۇپ، جىڭ ناھىيەسىنىڭ تولى بازىرى ئىك قۇدۇق كەنتىدە، ئاساسلىقى چىگىتلىك پاختا يىغىپ سېتىۋېلىپ پىششىقلاش، پاختا قىسقا تىۋىتىنى پىششىقلاش قاتارلىق تىجارەتلەرنى قىلىدۇ. چىگىت ئايرىش زاۋۇتى ھەر يىلى جەمئىيەتتىن ئىشچى تەكلىپ قىلىدۇ، زاۋۇتنىڭ پاراۋانلىق تەمىناتى ياخشى، ھەقسىز تاماق، ياتاق بىلەن تەمىنلىگەچكە، ھەر قېتىم تەكلىپ قىلىش ئۇچۇرىنى ئېلان قىلغان ھامان، نۇرغۇن كىشى ئىشلەش ئۈچۈن كېلىدۇ، بولۇپمۇ ئەتراپتىكى دېھقان - چارۋىچىلار ناھايىتى ئاكتىپلىق بىلەن تىزىملىتىدۇ. ئىشچى - خىزمەتچىلەرنىڭ ئىشتىن سىرتقى تۇرمۇشىنى بېيىتىش ئۈچۈن، زاۋۇت دائىم تۈرلۈك مەدەنىي كۆڭۈل ئېچىش پائالىيەتلىرىنى ئۆتكۈزۈپ، ھەر مىللەت ئىشچى - خىزمەتچىلەرنى ئازادە، خۇشال مۇھىتتا پىكىر ئالماشتۇرۇش، ئالاقە قىلىش، چۈشىنىشنى ئىلگىرى سۈرۈش ئىمكانىيىتىگە ئىگە قىلىدۇ.

پاختا پىششىقلاش كارخانىسى بولۇش سۈپىتىمىز بىلەن، بىز ئامېرىكا ۋە غەربتىكى جۇڭگوغا قارشى كۈچلەرنىڭ شىنجاڭغا قارا چاپلىشىغا قەتئىي قارشى تۇرىمىز، ئاتالمىش «مەجبۇرىي ئەمگەككە سېلىش» پۈتۈنلەي يالغاننى ئويدۇرۇپ چىققانلىق بولۇپ، ئاساسسىز گەپ!