Gollandiye uyghurlirining teshwiqati kücheymekte

Gollandiye uyghurlirining teshwiqati kücheymekte
Muxbirimiz ekrem
2010-02-23
20 - Féwral küni, gollandiyidiki "uyghurni qollash guruppisi" dep atalghan uyghur teshkilati ezaliri, gollandiyining meshhur bir muzéyida uyghurche senet nomurliri arqiliq, uyghurlar mesilisini tonutush pursitige érishken.


RFA Photo / Irade

22 - Aprél gollandiyining almir shehiride ötküzülgen uyghur medeniyet künidiki teyyarlanghan taamlar we paaliyet jeryanidin körünüshler.

Mezkur teshkilatning reisi gheyret ependining bergen melumatigha asaslanghanda, bu paaliyetni gollandiye milletler tetqiqat idarisi we merkizi statistika idarisi uyushturghan bolup, gollandiyidiki 2 milyongha yéqin chetelliklerge wekillik qilidighan her qaysi teshkilatlarning wekilliri bu qétimqi paaliyetke qatnashqan.

Gheyret ependining bildürüshiche, paaliyet jeryanida orunlanghan uyghurche senet nomurliri tamashibinlarning yaxshi bahasigha érishken. U uyghurlar mesilisini medeniyet - Senet wastisi bilen tonutushning yene bir ünümlük yol ikenlikini tekitlep ötti.

U sözide, nurghunlighan chetelliklerning uyghur medeniyet - Senitige qiziqiwatqanliqini, ularni uyghur senitige ram qilish arqiliq, kélichekte xitaygha qarshi bir septe küresh qilishning muhimliqini tilgha aldi. Gheyret ependi yene, özi yétekchilik qiliwatqan teshkilatning gollandiyide yashawatqan xitay démokratliri, falungungchilar we tibetlikler bilen hemkarliship paaliyet élip bériwatqanliqini, bu xil usulning uyghurlarning awazini téximu jarangliq anglitishqa belgilik paydisi boluwatqanliqini tilgha aldi.

Yuqiridiki awaz ulinishidin, bu heqtiki melumatimizning tepsilatini anglaysiler.

http://www.rfa.org/uyghur/xewerler/tepsili_xewer/gollandiye-uyghurliri-02232010193303.html?encoding=latin

mining bilishimqe behtiyar nasir wetendiki wahtida hitay hokimitining saqchisi idi .