duqning yengi reis namzati toghrisida

dunya uyghur qurultiyi nurghun issiq-soghuqlarni bashtin otkuzup, wetendiki qerindashlarning erkinlikini ozining eng aliy nishani qilip, tereqqiy qilip bugunki kun'ge keldi. buni duq rehberliri we ezaliri, herqaysi doletlerdiki tarmaq jemiyetlerning barliq ezaliri, wetenperwer zatlar, ziyalilarning her qaysi jehetlerdiki tirishchanliqidin ayrip qarighili bolmaydu. nowette 4-qurultayni echish aldida turiwatimiz. duqmu ozining 3-ewlad reis dewrige qedem qoyush aldida turmaqta. yengi nowetlik reisning otuqluq saylinip chiqishi duq ning keyinki tereqqiyatigha biwaste tesir korsitidighan amil. shunglashqa biz bu mesilige choqum soghuqqanliq bilen muamile qilishimiz kerek. arimizda dolqun eysa, seyit tumturuk, omer qanatqa oxshash, izchil turde qurultay uchun jan pidaliq bilen xizmet qiliwatqan, wetenperwerlik idiyisi kuchluk, dolet ichi-sirtida hemme etirap qilidighan, belgilik rehberlik iqtidari we tejribisige ige, uyghurlarning menpeetige wekillik qilalaydighan yash, talantliq ezalirimiz bar. uning ustige erkinkam, rabiye xanimlar izchil turde ularning duq ning reislik namzati supitide terbiyilep, cheniqturup kelgen. nawada qurultiyimizgha qaytidin reis saylash toghra kelse, keyinki nowetlik reisimiz yoqiriqi uch yash ezayimiz arisidin shekillinip qelishi mumkin.